جديد قلمي المتواضع .......بيت الطين والعرب........

اريد اصرخ واعاتب هاي الوجوه ..............عتب محروم فاگد كل اخوته
فگدهم بالحرب بهواي اشكال .............. موته تصيح موته انه احلى موته
ثغبت انه عراق انذبحت الناس ............... اريد اسمع جواب بهمس صوته
لكن ما حچه ولا حرك لسان ............... سكت هل الدمع واسه سكوته
بيوته تعلمت تفتح البيبان ............... البيبان صارت تكره بيوته
ولك شحچي وشسولف امن اسلام ............. كردستان عنده تخاف كوته
بعد شحچي وشسولف يبو النهرين ............ صفن دمعات علوجنه منحوته
چنت من تحچي تحكم تركع الناس............ تعيش اجيال من مايته وقوته
تفيض انت بسمچ يشبع الجوعان.............. هسه انت الصرت وجبه للحوته
گبل انت الملك وعگال والشيخ .............. هسه الشيخ ضل فاگد مروته
ولك كافي بعد بينت العاهات ............... وابو گريوه عبر بينت گروته
صايرلي الشگف وشباكك متين.............. .. ولك لا لا صرت شبچه مسلوته
ما اصدگ بعد امنت بالعارات.............. حته الطفل ما اصدگ تفوته
لان ذوله عرب غش واكاذيب ............. حصان اصبح بغل والفرسه سربوته
علمته يتبرمك شربيته چروت ............. خلص وسط عينك طفه بچروته
صعدته الهمر بفلوس الابار ............. گبل ما صعد عربي بيوم ستوته
اااهه لا تحچي كافي شيبيت الراس.......... طغه علينه الصنم تعشگ طغوته
وكل هذا واصيحن واصرخ بصوت .......... تعرف اقوى صرخه بصوت موته
اسمي عراقي ما اغيره وزوره
وحضنت الكاضم بگلبي وازوره
لي اسمين بغداده وزوره
ولي زاخو اخت والناصريه


الشاعر احمد الربيعي

يسلمووووووووووووووووووووو يا شاعرنا المبدع

ننتظر جديدك

تقبل مروري

ســـاحر القـــلوب

مشكورررررررررررررررر يا شاعر يا مبدع
الله على القصيدة وتقبل مروري البسيط